沒有你 , 第 3 3 4 天

今日係你生日 , 呀爸 , HAPPY  BRITHDAY
記得上年既今日 , 我地一家人 , 同埋你2個好朋友 ,
係新莆崗食飯 , 果晚你好高興 , 唔記得係為左乜小事 ,
未食完飯 , 我己經發你脾氣一句野都冇講到就走左去 ,
我知道你一定唔好受 , 到之後我因為呢件事都好內疚
但 ... 邊個會估到 , 原來呢個 , 係你最後一個生日 ...
我真係好後悔好後悔 , 點解我連你生日我都要激你 ...
點解連你最後一個生日我都唔可以開開心心同你過 ...
到今日 , 同以往一 樣 , 我地都係一家人同你過生日 ...
唔同既係 , 我地只可以望住你張相同你講 ..爸 , 生日快樂
而你亦只可以係一個遙遠既地方 , 接受我地既祝福 ..

呀B , 終於都真真正正出黎打工搵錢 , 其實學到既野真係好多
以前未體會過既事依家都會感受到 , 新工作新人仕新環境 ..
樣樣都係新鮮事要面對 , 須要時間適應 , 當初諗過一走了之 ..
心寧上實在太辛苦 , 但我知道我一走 , 就等於我失敗左 ..
等於我根本冇成長過 , 仲係停留係原有位置 , 我接受唔到 ...
可能就係呢種死牛一面頸既性格 , 至支持到我今日仲肯返 ..
返工既時候愈辛苦 , 我愈明白爸爸你平時係幾咁辛苦 ..
我仲兩日唔埋三日就激你一餐 , 其實我都真係幾不孝 ..
哈哈 , 我知錯喇 , 你今日生日啊 , 唔好鬧我啦 ..開心返啦..
爸爸 , 我知道 , 你今日一定好高興 , 媽咪今日好叻..忍到喊..